Putschblos Lyrics

Op d′r Rennbahn es hück Renne öm dä jroße Prix Cologne
Wä weed hück dat Ding jewenne? Einer sät: Ich weiß et schon
Un dä Eine, dä ich meine, steit direk links nevven mer
Schlapphoot deef bes en de Auge zeich hä op e riesich Dier
Setz op Putschblos, setz op Putschblos
Putschblos Nr. 4 jewennt
Hür op mich, wees sin, dat stemp, Jung
Putschblos Nr. 4 jewennt
Kleine Jockeys, staatse Fraulück, nevvenbei noch Päd en masse
Un am Führring es Jedränge, manch Dier es schon jetz klätschnaaß
Do sin ich dä Schlapphoot widder, op en Frau schwad hä jetz en
Wat hä sät kann ich nit hüre, hä zeich nor zor Putschblos hin
Putschblos Nr. 4 jewennt
Hür op mich, wees sin, dat stemp, Jung
Putschblos Nr. 4 jewennt
Nor Sekunde bes zom Start noch, ich setz alles op die "4"
Drih mich öm un well zom Renne, wä meint ihr steit hinger mir?
Minge Schlapphoot un hä jriemelt, setz ene Sching op "Lahm Kamell"
Doch mer bliev kein Zick ze froge un et wiehert us de Ställ'
Putschblos Nr. 4 jewennt
Hür op mich, wees sin, dat stemp, Jung
Putschblos Nr. 4 jewennt
Usser Odem ben ich jrad noch wie et lossjeit an d′r Bahn
"Ahl Kommod" führt met "Kontiki" en d'r Kurv et Haupfeld an
Op Platz drei litt "Schlächte Jrosche" attakeet vun "Fuhlem Kies"
"Schwatze Räuber" es am kumme, weed verfolch vun "Schnellem Bies"
En d'r letzte Kurv kütt "Windspell", "Flejefänger" hatt dobei
"Rosmarin" brich met "Lavendel" mir nix dir nix us d′r Reih′
Un ich sök noh minger Putschblos
Doch dä litt an letzter Stell
Siejer weed met jot zwei Länge
"Dat jitt et janit": "Lahm Kamell"
Putschblos Nr. 4 jewennt
Hür op mich, wees sin, dat stemp, Jung
Putschblos Nr. 4 jewennt